JESAYA 54 : 11 – 17

EPISTEL :      JESAYA 54 : 11 – 17

TEMA :           TONGTONG DO RO PANGARAMOTION NI DEBATA

=====================================================================

PATUJOLO

            Secara khusus bahwa Jesaya 40 – 55 disebut sebagai kitab Deutero Yesaya-Yesaya II, jala barita na pinaboa ni kitab on ima mambaritahon haluan bangso Yehuda na berada dibagasan habuangan ni bangso Babel. Dibagasan sitaonon  bangso Yehuda, Yesaya II mambaritahon asa dipuji bangso I Debata siala Debata do na mamillit jala na paluahon bangsoNa marhite-hite holongNa na masai bagas. Alani ma molo dibereng sian  jamita on ima Yesaya 54 : 11 – 17 secara garis besar mangombarhon ia Yerusalem/Sion ingkon di pahehe jala dipajongjong Debata jala huta I pe ingkon aman. Tarida do sian pembagian ayat on secara umum patorangkon Ia  ayat  11 – 14a gombaran na pinaboa panurirang ima keadaan Yerusalem na ingkon mulak dengan jala marlinang-linang huta I; ayat 14b – 17 gombaran tutu do ia Yerusalem berada dikekuasaan bangso babel jala di bagasan serangan dohot tekanan do bangso Yehuda alai Debata tongtong mangalehon pasupasuna tu bangso I jala parngoluan nasida diramoti Debata.

HATORANGAN NI TURPUK

Ay. 11 – 14 : molo di paihut-ihut keadaan bangso Yehuda masai borat jala asi roha alani siatonon sian kekuasaan bangso na asing ima na tertindas, tertekan, hapogoson  jala na pinaburuburu na so tarapul. Alai sude na masa I ndang gabe mambahen bangso I gabe so adong parngoluan na denggan jala sonang. Dipatuduhon Debata do pasu-pasuna marhitehite hataNa na mangapuli roha ni bangso I jala di lehon do tu nasida gogo dohot pangurupion marhite-hite bagabaga na sintong asa togu haporseaon nasida jala asa ingot nasida tu Debata. Songon Hata na mandok sian ayat on : Ida ma, peakkononku ma angka batum……DU; sian na pinaboa hata I ingkon do hita maniop togu dibagasan haporseaon siala ndang na tadingkononNa hape jolma I, di urupi Ibana do jolma I paturehon na masa di jolma I. Songon Yerusalem nunga gabe huta na hancur jala parir alai ro do Debata mangurupi naeng padenganhon Huta Yerusalem asa gabe jongjong gabe huta Yerusalem na imbaru. Gombaron sian Yerusalem na imbaru ima songon oroan na sinunggulan mandapothon harajaanna (lih. Pangungkapon 21 : 2,11). Hape ndang holan huta I na dipature Debata dohot do angka anak pomparan sian bangso di Yerusalem; ingkon do dipature asa gabe  siseanna/angka anak sian pomparan bangso  na mangoloi jala na manjalo Hata ni Debata. Alani ma asa gabe jongjong nasida gabe pomparan ni Yehuda na dipangido Debata ima : gabe anak na togu di ginjang ni hasintongan, ndang adong habiaran, jala dao sian hasonggoton. Jadi malum do roha nasida dibahen Debata jala Yerusalem ingkon jongjong do di ginjang hasintongan dohot hatoguan na sian Debata ndang di tadingkon Debata bangso na jala suang songoni angka na porsea di Ibana

Ay. 15 – 17 : Debata na manompa sude, jadi unang ma adong habiaran di jolma, manang songon dia pe gogo ni portibion ingkon talu do sude; alani ma unang ma mabiar, unang ma ganggu jala unang gabe gale. Sai ro do Ibana mangurupi hita asa gabe monang jala sonang. Ido na di patangkas ayat on Ahu do na manompa tukang bosi, na mandusdus arang di bagasan api jala na paruarhon sada sinjata bahen jadijadianna; ahu huhut manompa sipangago I laho mangago (ay.16) . Jadi habiaran, hagangguon di jolma nunga di padao Debata, alai molo adong bangso na menguasai jala na martahi ho sai paihutonna do ho muse, jala nasa sinjata na mangalo ho ndang manjadi; jala nasa dila , na hehe mangalo hodi paruhuman ingkon toruanmu do, I do parjambaran ni angka naposo ni Jahowa, jala hatigorannasida sian ahu ninna Jahowa. Ndang dipaloas Debata angka jolma na naeng berkuasa asa monang ingkon talu do nasida (usaha orang yang tidak benar dan tidak adil yang ingin menjajah untuk menguasai manusia akan sial dan mereka akan jatuh rebah). Alani ma ingkon tarida do di bangso I haporseaon na tu Debata asa gabe monang, di si asa gabe tarida ia rohanta margogo di huaso ni Debata (penyerahan diri seperti yang diajarkan Yesus dalam Doa Bapa Kami) ima asa ingot hita di pangaramotion ni Debata sai ro do tongtong di hita, manang sadihari (pagi,siang, sore, dan malam) jala di situasi apapun sai dipatuduhon Ibana do pangaramotionNa tu hita.

PANIMPULI

            Pangaramotion ni Debata ndang hasuhatan di hita jolma, jala dipajongjong Ibana do jolma I asa marhasongan di pasupasu, taruli di angka na niula jala mardapotdapot diangka las ni roha. Alai boi jumpangan ta  di sude na molo memang rohanta tapatoru di jolo ni Debata. Unang songon bangso na pinilit ni Debata sai dosa do na diulahon ujung na gabe tarbuang jala hatoban ni bangso na asing. I ma gambaran na so olo mangihuthon perintah ni Debata jala ndang mangoloi di aturan na pinasahatna. Alani ma di hita jolma ingkon  mamereng dompak Debata ma  unang sai mamereng dompak ni pertibion; ingkon ingot ma hita sude na masa di portibion Ibana do na Manompa jala Marharoroan sian Ibana do sude na masa; Ima : Mangolu-mate, sahit-hipas, pogos-mamora, holong-parbadaan dohot lan na asing molo sian Ibana do tainggot ingkon Ibana do na manjaga hita. Siala sude na masa on di lehon jala dipatuduhon Ibana sian na denggan. Molo Debata do donganta ise do alonta? Ndang adong, siala dijaga Ibana do hita sude. Amin.