Psalmen 149:1-9/ Yesaya 30:18-26

Bahan Sermon : Minggu, 30 Desember 2018 (SETELAH NATAL)
Evangelium : Psalmen 149:1-9
Thema : Ende Puji-Pujian Di Hamonangan

Patujolo
Lasni roha do na digombarhon dibagasan turpuk on. Tarida mai sian pandohan, puji-pujian, endehon, marolopolop. Lasni roha i dipasahat tu Jahowa disiala marlomo niroha Jahowa mida bangsoNa. Anung pe nunga salpu parningotan ari pesta i, ringkot do ulahanta muse mangarajumi aha do sasintongna na hita halashon saonari dung salpu ari pesta i. Sotung salpu ari pestai dang mamboan lasni roha, alai baliksa manghorhon arsak ni roha ala pagodanghu mandohoti angka pesta-pesta Natal dina sabulan on.
Hatorangan ni turpuk

Ayat 1-4: Jahowa Gok Huaso Ende na imbaru ima pengalaman na baru tu haluaon dohot panggomgomion ni Jahowa. Ende na imbaru on di endehon laho mamestahon pangurupion ni Debata na mamasu-masu bangso Israel dung sidung angka masa krisis na niadopan ni bangso i. Di turpuk on na menarik na boi si idaonta ima, ende puji-pujian ni nasida dang adong na mangondolhon taringot tu dirina sandiri. Dang adong pandohan na manggombarhon kehebatan dohot hagogoon nasida. Alai na adong ima taringot tu huaso, kejayaan dohot hamuliaon ni Jahowa na paluahon bangsoNa. Onma na paingothon hita asa mangendehon ende na imbaru, respon ta di haluaon nadipatupa Jahowa Deabata. Ayat 5-9: Adong las ni roha di jolma na mangasahon Debata Jahowa Debata dang hea pasombuhon bangsona, pasti do Debata selalu bertindak. Molo nunga parsidohot Debata na terjadi ima parporangan tu angka hajahaton. Adong pandohan na mandok “gajah bertempur melawan gajah, kancil mati di tengah-tengah”. Tudos tusi ma ditingki Debata mangalo huaso ni hajahaton, jolma gabe terjebak di tonga-tonga. Disima gok parungkilon, gabe godang jolma dang tahan jala menyerah na ujungna mamillit hajahaton i. Ido umbahen didok dibagasan turpuk on, “ai lomo do rohani Debata mida bangsona, dipahei do angka na dangol marhite-hite hatuaon”. Dang gabe magopo, di ujung na annon hamonangan adong di tangan ni Jahowa. Disima adong angka las ni roha, marolop-olop nasa huria na satia, martahan jala manongtong mangasahon Debata.

Sipahusor-husoron
Boasa halak na porsea ingkon pasahathon ende puji-pujian hamonangan? Ima Siala anang mangalehon jawaban ni haporseaonta (marhite ende puji-pujian/hamuliateon) di angka haluaon nadi patupa Debata dibagasan Jesus Kristus. mamelehon tondi dohot nasa roha tu Debata na marhamuliaan ima na gabe tujuan dang dirinta sandiri. Dang holan pamanganta alai dohot do rohanta. Parpsalmen dibagasan turpuk on manogihon hita laho mamestahon dohot mamuji Debata marhite las niroha godang. Siala mansai balga situtu do Debata dohot angka halongangan nabinahenna di ngolunta, alani i layak do Ibana manjalo nasa pamujion sian ganup nasa rohanta dohot dirinta.

Minggu : Advent IV, 23 Desember 2018
Epistel : Yesaya 30:18-26
Evangelium : Judas 1:17-21
Tema : Maimaima di Asi Ni Roha Ni Debata

Patujolo

Nungnga patut be gareja dipartingkianon merenungkan  kembali janji-janji haroroni Kristus di masa advent on. Asa sude ruas ni Debata mempersiaphon dirina  marhite haporseaon tu haroroni si Palua i nalao paluahon hita sian portibi na ni haliangi dosa. Diturpuk on di sadari si Judas do ia gereja dipartingkianon nungnga godang ajaran dohot aliran sesat. Ima aliran naso manghaporseai Jesus sebagai Tuhan, sialani I ma di haringkothon si Judas laon manurat surat na on asa sude halak naporsea dang be mansuadahon Jesus I sebagai Tuhan. Cara naditawarhon si Judas lao mangalo tu angka pangajarion naso denggani, gereja dipangidohon asa mangolu dibagasan haporseaon nasintong, huhut martangiang dibagasan Kristus Jesus paima ro Ibana diari parpudi i.

Hatorangan/ Sipahusorhusoron

Halak Kristen dongpola porlu mabiar manang marsak di angka pangajarion ni panurirang pargapgap (nabi palsu) molo ditiop do dohot denggan angka hata nanaung di baritahon  ni Apostel naporjoloi. Alana tarsurat do ia angka Apsotel pe mandok na ingkon rodo pangajarion ni angka panurirang pargapgap diari parpudi I nalao manosoi roha ni naporsea manadingkon ajaran na denggan i. sialani I do di haringkothon si Judas manghatahon surat na on asa gereja mulak tu ajaran nabinaritahon ni Apostel ni Kristus i. sialani I gereja boi ma menghadapi segala tantangan nang rintangan na manggelohon haporseaon marhite angka pangajarion naso denggan i.  Angka pangajari naso sian Debata didok si Judas tarida doi sian parngoluonna naso manghalomohon hinalomoni roha ni Debata, namangulahon hisap-hisap ni daging dohot hajahaton marhite lomo niroha ni nasida. Standar moral na ni ajarhon ni Apostel ni Kristus I ditiadohon, demi hapuason ni pardagingon ni roha ni nasida. Dang di haringkothon nasida be uhum manang patik ni Debata na di baritahon ni angka panurirang di Padan na Robi dohot angka Apostel di Padan na Imbaru. Sialani I si Judas mangajak gereja asa lebih manghaporseahon ajaran nadenggan I marhite haporseaon na tulus na marparbue nadenggan jala huhut manomu-nomu haroroni si Palua i. sialani I do di ayat 20 on didok “alai hamu, angka haholongan, pauli hamu ma dirimuna diatas haposeaon muna nabadia situtu, jala martangiang dibagasan Tondi Parbadia  ”. namarlapatan doi asa marhite haporseon nabadia huhut martangiang dibagasan Tondi parngoluon ni angka halak naporseai, asa unang nasida madabu tu angka tahi ni pangansi. Ia tangiang sada dalan komunikasi na intens doi antara Debata dohot jolma manisia. Sialani I diharingkothon jolma I ma martangiang jala huhut mangaramoti dirina dibagasn holong ni Roha ni Debata. Di ayat na 21 on totop do disosoi si Judas asa tontong halak naporsea I mangharadehon dirina manomu-nomu haoro ni Kristus I, unang nian ganggu roha ni nasida tuangka hata namandok dang toho ro Jesus I, kalimat “asa sahat hamu tu hangoluan salelenglelng na” na marlapatan doi sada panghirion napaposhon roha ai dang sia-sia ketekunan na taulahon I, ai debayar doi dohot upa nabadia dibagasan hangoluan naso hasudaan arina.  Dia Advent na-4on naeng manian hita tetap konsisten manomu-nomu haroro ni si Palua I jala huhut martangiang  sian serep ni roha. Mangalahon angka nihinaringkot ni Jahowa, unang songon parngoluon ni angka panginsahi I, na lebih mementingkan hinalomo ni pardagingon dohot mansuadohon haporseoanna tu Jesus. Sialani I taruli pasu-pasu mahita di parngoluonta na tarpasu-pasu.