jamita Daniel 7:9-14

Evanggelium    : Daniel 7:9-14

Tema               : Huaso ni Debata Rodi Saleleng-lelengna

Johannes Nababan, STh

I.                    Patujolo

Ia Panurirang Daniel mangolu di zaman ni pemerintahan Raja Nebukadnesar (Raja ni Bangso Babel) sekitar tahun 536-530 SM. Panurirang Daniel  ima hal Israel Selatan (Jehuda) nadiboan tu Babel laho di jadihon pegawai istana (juru minum ni Raja). Jala di Babel goar ni si Daniel diganti Raja i do gabe Beltsasar (Daniel 1:7). Dibasabasaon Debata do tu si Daniel sada karunia / talenta  ima : marbinoto alatan (penglihatan) dohot angka nipi (Daniel 1:17), ido umbaen di buku Daniel on mulai sian bindu 2 sahat tu bindu 12 manariashon taringot tu penglihatan dohot nipi, jala holan si Danel sandiri do naboi mangantusi lapatan ni angka nipi i. suang songoni do tong di turpuk ni evangelium on, manaringoti angka penglihatan dohot nipi ni si Daniel ima “binatang na opat I dohot Anak ni jolma.”

II.                 Hatorangan

Ayat 9-10: isi ni ayat 9 on adong hasarupaonna tu buku Pangungkapon 1:14, 20:4, jala na tarsurat di ayat 10 sarombang tu Pangungkapon 5:11, 20:12. Turpuk on na naeng patoranghon taringot tu “Harajon ni Tuhan Jesus Kristus” ima harajaon na ni uluhon ni Tuhan Jesus Kristus sandiri  sebagai raja nagok hamuliaon, burju jala na lambok, jala ndang memimpin marhiteon tangan bosi (otoriter) dohot ndang marhiteon pertumpahan darah.  Nasa penguasa / raja naditompa-Na dohot angka suru-suruan-Na sasudenai unduk do tu Tuhan Jesus  jala setia nasida melayani Ibana selaku raja dohot sitompa saluhut. (Lih. Dan. 2:47).

Ayat 11-12: Binatang nadidokna dison ima sada symbol ni harajaon manang penguasa na adong di portibi namenguasai harajaon ni bangso Israel , sala satuna ima Harajaon Babel nagabe sombong dohot harajaon ni bangso na asing nagabe musuh ni bangsi Israel. Adong penafsir na mencoba patoranghon lapatan ni binatang na opat I tudos mai tu opat bangso na berkuasa di hatihai, ima bangso Babel, Media, Persia, dohot Yunani. Namarlapatan doi sude bangso manang harajaon na gabe musu ni bangso Israel ingkon di uhum jala di binasahon di akhir zaman (Dan 2:44 “Alai di tingki ni harajaon ni angka rajai, padirion ni Debata na di surgoi, sada harajaon na so tarpapatu rodi saleleng ni lelengna, gomgomanna pen dang pasahatonna tu bangso na asing; ropuhonna do tahe  sogot saluhut angka harajaon i, jala pangsingkononna, alai hot do anggo nasida I rodi saleleng ni leleng na”).

Ayat 13-14: Anak ni Jolma: lapatanna disi, ima mengarah tu “Mesias/ Juruselamat” (sada raja naman sai gogo jala boi paluahon bangso Israel  kaluar sian habuangan ni Babel), jala molo di Padan Na Imbaru mengarah tu Tuhan Jesus Kristus do nagabe Mesias manang si Palua.

Ibana naso sada arina, na marlapatan mai “na manontong” manang kekal. Harajaon ni Debata na manontong jala Debata nagabe raja dohot nampunasa harajaon I, jala Ibana gombaron huaso banua ginjang na manguluhon uhum dohot hasintongan. Ndang masa di haroroNai mambaen ganggu jala marsak angka namarnidasa. Alai gabe patubuhon panghirimon, hamenahon dohot  hadameon do harajaon ni Debata jala bersifat manontong jala abadi, ndang tarsongon harajaon na adong di portibion naso manontong, naboi dao masa ganti angka raja na, harajaonna I pe naboi do sursar, sipata adong hadamen jala sipata sursar (ndang hot hadameon i).

III.             Sipahusor-husoron

Di minggu ujung taon ni parhuriaonon, paingothon hita asa manontong mangasahon Tuhan Jesus Tuhan Jesus Kristus dinasa parngoluonta , ndang na gabe mangasahon gogo nang pingkiran ta sandiri tarsongon bangso Babel nasai mangasahon hagogoon ni nasida dohot dewa ni nasida. Jala di minggu on didiok do minggu parningotan ni angka namonding. Alai sasintongna ndang na holan marningot angka namonding alai manyadarhon hita jolma na adong di ujung ni ngolunta di portibion. Di paingot hata ni Debata hit ape sogot haduan ingkon do manghadopi hamatean di ari paruhuman. Jot-jot do hita terlena di nilai-nilai duniawi . padahal nungga di patorang si Daniel tu raja Nebukadnezar, porlu tarimangi ndang adong na manontong di portibion. Ingkon do marujung sude , bahkan musanah digantihon tu pambaenan ni Debata na manaontong. Hita sebagai halak na porsea, ingkon do seharusna mameakkon panghirimonta tu harajaon ni Debata na manongtong i. sebelum masa angka panguhuman, di lehon dope di hita kesempatan laho paubahon dirinta mangulahon angka nadihalomohon ni Debata. Alani I dungo ma hita, ta tangkasi ma ngolunta saonari nang sogot pe, asa nasa ari-ari ta di portibion tabahen mangulahon nadihalomohon ni Debata. Amen..