Minggu, 17 Maret 2019 Evangelium :Heber 4:14-16

Bahan Sermon : Minggu, 17 Maret 2019
Evangelium :Heber 4:14-16
Thema : Yesus Imam Besar Agung 

Johannes Nababan, STh

Patujolo

Di kitab Heber on Yesus dianalogihon sebagai Imam Besar Agung, manang molo di hata Batak didok Sintua ni malim na bolon (14a). Penyebutan Jesus sebagai Imam Besar Agung sangat unik do, Alana dangadong dope halak manang oknum nahea dilean gelar Imam Besar Agung sepanjang sejarah harajaon ni Debata. Molo ta ihuthon do tradisi ni Padan Narobi (PL) adong do di halak Israel digoari sebagai Imam besar (3Mus 21:10), ia  imam besar on holan ibana do naboi masuk tu ruang maha kudus na adong di bagas joro ni Debata.

 Disima ibana pasahathon angka pergumulan ni halak Israel, jala manjalo hata ni Debata na naeng pasahatonna tu Bangso I. Ia angka halak Israel dohot sintua ni malim na asing dang boi masuk tu ruang maha kudus I, Alana sada peraturan doi holan imam besar do na boi masuk tu si. Melalui surat  Heber on boi ma taida dia do perbedaan ni Sintua ni malim dalam pemahaman ni halak Israel dohot Jesus digoari sebagai Sintua ni malim na bolon (Imam Besar Agung).

Hatorangan

Di Heber 4:14-16 on boi do taida ia Jesus di goari sebagai Sintua ni malim na bolon, Alana Ibana boi “manorusi angka banua ginjang (melintasi/ melampaui semua langit)” jala didok Anak ni Debata. Namarlapatan doi Ia huaso ni Jesus mansai Balga do, jadi mansai beda situtu do sian sintua ni malim ni halak Israel. Molo di Heber 9:24 di dok do ia Jesus ndada bongot  tubagasan na badia na pinauli ni tangan songon sintua ni malim ni halak Israel, alai tu bagasan banua ginjang do lao patuduhon dirina di adopan ni Debata humongkop hita.

Di ayat 15 disurathon do  ia Jesus (sintua ni malim) boi do baenon dongan mangkilala diangka hagaleonta, namarlapatan doi ia pangaramotion ni Jesus I manghonai do tusude jolma, dang holan tu halak namora, manang halak na gogo, alai tongdo tu halak nagale manang halak napogos. Sebagai halak na porse tu Jesus, mansai beruntung do hita, ia Jesus I “tung na dohot do tarunjun songon hita, alai dang mar dosa (ay. 15b)”. na marlapatan doi sude pergumulan na hansit na ta hilala di portibion na boi mandabuhon hita tubagasn dosa, tong do di hilala Jesus I, alai na mambedahon hita sian Ibana, ia Ibana dang mardosa, talu do dosa I di bahen Ibana.

Suang songon I do nang hita jolma. Ingkon do ta tiru sifat ni Tuhan I sebagai suatu teladan di parngoluonta. Ingkon do boi hita manaluhon angka dosa I, unang dohot hita terhanyut tu angka na so di halomohon ni roha ni Debata.

Sipahusor-husoron

Sangat disayangkon do, molo halak na mangaku Kristen alai dang menyadari  adong  sada Sintua ni malim na bolon naboi palulaohon ibana sian hagaleon na, marhite pangaramotionNa nasai tontong mandongani jolma i. Holan ibana do na puna kapabilitas na boi mangurupi hita, baik sian hagaleonta, parsahitonta, hapogosonta dohot pargumulonta na asingh, bahkan holan ibana do na boi paluahon hita sian dosa. Naeng ma nian hita semakin manghaporseai Tuhan I di parngoluonta, marhite lam ringgas ro tu gareja, jala lam girgir rohan ta manghataon dohot mangulahon angka nahombar pasangaphon Tuhan I, Amen.