Minggu, 24 Maret 2019 Evangelium : Psalmen 118:22-29 Thema : Yesus Batu Penjuru

Bahan Sermon : Minggu, 24 Maret 2019
Evangelium : Psalmen 118:22-29
Thema : Yesus Batu Penjuru 

Johannes Nababan, STh

Patujolo

Batu Penjuru (batu parsuhi) sangat penting doon molo pajongjongkon sada bangunan (primer). Ciri ni batu parsuhi ima angka batu nabalga na dipeakkon disuhi ni pondasi bangunan nanaeng dipajongjong. Salah satu fungsina ima pasadahon dua sisi bangunan asa hot jala togu. Hata batu parsuhi na sinurathon ni parPesalmen on sada metafora doon sebagai gambaran Tuhan do na pasadahon jala patoguhon huria I, songon batu parsuhi ni sada bangunan namanahan angka suhi ni bangunan i. Marhite turpuk ni jamita sadarion di analogihon do Yesus sebagai batu parsuhi, diado lapatan ni pandohan ni parPesalmen I, tapaihut-ihut ma penjelasanna di hatorangan niturpuk.

Hatorangan

Ayat: 22 ”batu naung binolongkon ni angka pande bagas, ima jadi batu parsuhi” secara liturgi Psalmen 118 on boidohonon sada doksologi manang ende pujipujian nadiendehon halak Israel pada hari raya pondok daun. Menurut ni angka na pistar “penafsir” molo ayat on sangat berkaitan do dohot  Tuhan Jesus Kristus, (Mat21:42; Mrk 12:10; Luk. 20:17), jala Apostel Petrus pe heado mandok Jesus do Batu Parsuhi I (Kis. 4:11). Ende pujian on sada ungkapan lasniroha doon ala di pamasa Tuhan do di bangsoi halongangan (ay. 23) ala di palua Tuhan I do bangso I sian angka bangso na mangkalomohon bangso Israel hancur. Jadi Makna ni batu parsuhi, boi dohonon  sada batu na paling utama nalumobi mararga sian angka batu na asing, namanean, namangalehon hatoguon songon Tuhan I sai tongtong manggomgomi jala mangaramoti bangso Israel.

            Molo tatinjau sian padan na imbaru (PB), ‘batu naung binolongkon ni angka pande bagas, ima jadi batu parsuhi’ sada gombaran doon tu pribadi ni Jesus. Ia Jesus sada Figure na boi dohonon lahir dalam keadaan hina, di asingkon “diambolokan ” angka sintua ni malim nang halak Jahudi songon batu parsuhi i. Alai gabe dibaen Debata do Jesus I sada Figure nagabe penentu na paling berpengaruh dalam bangunan sejarah pardalanan ni ngolu ni jolma sahat tu sadarion. Alana ingkon adong do Jesus I songon batu parsuhi I, nagabe panean, manogo jala pahothon jolma I, asa malua sian angka dosana. Asa unang hansur songon bangunan naso adong batu parsuhi na.

            Aha do responta taringot barita silas ni roha on?. Ia mulai ro Jesus I sebagai batu parsuhi di parngoluan ni jolma, sahat rodi sadarion dohot tu ari naeng ro, boi dohonan ima sada ari na di jadihon ni Debata, ari halalas ni roha godang tu sude jolma manisia na olo mangkaporseai Ibana, (Ayat 24). Umbahen I do naeng ma hita mamuji Tuhan I, marhite angka pambahenan nadenggan, Alana ibana do natongtong manondangi hita (27-28), dungi molo  marpangidoan tu Jahowa hita, gabe  manumpakhi pasu-pasuNa marhite hamuliaon ni goarNa (25-26). Songoni ma  respon ni halak Israel na adong di ayat 25-28, alana holan Ibana do namarhuaso na manjadihon angka nauli nadenggan di parngoluon ni jolma manisia.

Sipahusor-husoran

Jotjot do hita di parngoluan on, sering marasa di tolak, di pandang sebelah mata, di hina bahkan di burai, boi ma I alani status social ta, manang karna masalah pribadi na mambahen jolmai dang lomo roha na tu hita. Bahkan nadenggan pe ta dok manang ta ulahon tong do godang marsogo ni roha tu hita. Jamitaan on paingothon dohot patoguhon hita, ima “batu naung binolongkon ni angka pande bagas, ima jadi batu parsuhi”. Alai sude nai boi gabe mardalan dohot denggan , molo Tuhan I do nagabe donganta, tung aha pe namasa, silas niroha manang arsak pe, unang be ganggu rohanta disi ai Jesus I do nagabe batu parsuhi dingolunta. Siala ni I, baoi ma hita gabe batu parsuhi tong di parngoluonta, di keluarga ta, di hurianta, di parsingkolaan ta, di parkarejoanta, di paradaton dohot lan na asing. Umbahen ni I, “Mandok Maluate ma hamu di Jahowa, ai pardenggan basa do Ibana, ai ro di salelenglelengna do asi ni rohaNA I (Pslm 118: 29)”