Jamita : Rom 12: 9-21

Evangelium     : Rom 12: 9-21

Tema               : Taluhon ma Hajahoton I Marhite Ulaon Na Denggan

 Johannes Nababan, STh

I.                   Patujolo

Adong do ciri khas ni angka namarugamo di portibion ima na sai patuduhon angka na berhubungan tu ugamona nang angka atribut-atribut na berhubungan tu ugamo na I, baik marhite paheanna, panghataionna, nang angk atribut-atribut ni ugamona, dohot angka perlengkapan peribadahan ni halak i(Masjid, Pura, Kuil  dll). Molo lao hita tu pulau Bali, taida ma disi angka pahean, atribut-atribut ni ugamona dohot tempat ni peribadahan ni nasida, intor taboto ma na marugamo hindu do nasida, molo lao hita tu huta ni halak Arab, taidama pahean, bahasa, atribut dohot tempat peribadahan ni nasida, tabotoma na marugamo Islam do nasida. Saonari di hita halak Kristen, dia ma sipatuduhonta asa tangkas diida jala diboto halak portibi hita panghorhonni haporseaonta na marugamo Kristen hita? Alus ni ima na naeng sisigatanta marhite turpukta on.

II.                Hatorangan

Rom. 12: 9-21. Molo taihuthon hatorangan ni angka parbinoto, didok na gabe huta sabungan ni portibi on do ianggo huta Rom: ima sabungan ni Harajon Romawi. Ia  luat Rom on terkenal do sebagai suatu bangso na balga jala luas kekuasaanna. Jala di Rom ma pusat ni pemerintahan, politik, perdagangan nang ugamo ni bangso i. laos marpanghorhon do muse haragaman I tu tonga-tunga ni huria Kristen lumobi ma na adong di huta Rom. Ido umbaen nadi tongos Apostel Paulus Surat Rom on, sada mai taringot tu pangalaho (Etika/ Moral) ni halak naung porsea di Tuhan Jesus di bagasan gulmit ni ngoluna siganup ari (lih. ayat 12-15). Namangondolhon haporseaon tu Tuhan Jesus ndada holan di hata, di roha manang di panindangion di parmingguon, alai ingkon do I andar/patar marhite perilaku dingolu siganup ari. Adong tolu poin na rumingkot nagabe sipahusor-husoronta:

1.      Manghaholongi sude jolma, Ay, 9, 10, 13-21. Holong ni halak Kristen I, ( na marojahan sian holong ‘agape’= namanghilalaon parniahapan ni dongan) ingkon asing sian holong na di portibi on. Ndang na gabe mamaloshon na jat alo ni na jat, (5 Mus. 32:35-36), Alai mamalos nadenggan alo ni na jat asa marhamubaon ni roha ibana. Holong nasian portibi on ima: na marpangansi (di haholongi/ di urupi donganna hape na adong do sangkap na buni; manghaholongi dongan asa manghirim balosna manang upana. Antar-antar burju idaon, hape naeng manghaliangi, mangarajai dohot angka na asing).

2.      Benget mangadopi parungkilon. Porsea tu Jesus berarti rade manaon parungkilon. I do, umbahen diajari hita, marhite turpuk on, asa benget  manaon, jala manghirim di haluaon sian Tuhan I, huhut tongtong di bagasan partangiangon. Asa unang sumurut  ringgas ni roha ala ni sitaonon / hamaolan i. jala holong partangiangon (hasolhotan ta tu Tuhan Jesus i) do mangalehon hatuaon mangadopi parungkilon I Ay. 11-12.

3.      Marsaor tu saluhut halak. Ndang jumpang parsaoran nauli nadenggan di tonga hurianta molo soadong do roha hasadaon disi. Asa jumpang hasadaon naeng manian sude olo manghaserephon  roha be, padaohon haginjangon ni rohana . Ndang jumpang hasadaon ala sai dipingkiri ibana na umpistar/ ummalo/ tumimbo parbinotoanna sian donganna gabe di hasombongkon mai basa-basa i. ai roha na girgir dihatimboon I do mangela hita mangulahon naso denggan. Sega ma parsaoran daoma hasadaon , masa ma parbolatbolatan. I do umbaen didok Apostel Paulus asa unang pinangasahon hasurungan I laho paginjanghon roha ay. 16.

III.             Sipahusor-husoron

Ia tema ni jamitaon di dokdo Taluhon ma Hajahoton I Marhite Ulaon Na Denggan,  namarlapatan doi asa sude ulaon dohot sikap perilaku ta ingkon dibagasan holong dohot dame na ias sian rohanta, molo adong pe rimas di bagasan rohanta maradphon dongan jolma ta pasahat mai tu Debata (Ay. 18-19). Holong ni halak Kristen ima Holong na Universal (tu saluhut jolma, termasuk musu ‘lawan’). Ingkon do tahaholongi, bahkan molo jumpa mauas talehon minum, jumpa male talehon mangan. Ai songon  na pagukgukkon gara doi tu atas uluna, anggo dibahen songoni (Ay. 20). Namarlapatan doi gabe hailaan di ibana ala nauli nadenggan tapatupa boi pen a jat jalan najahat di bahen tu hita. Amen..