Evangelium: Lukas 11:1-13 Minggu, 26 Mei 2019 ROGATE

Minggu, 26 Mei 2019 ROGATE

Thema: Tuhan Tangihonma Tangiangku

Evangelium: Lukas 11:1-13

Patujolo

Tarsonggot jala las do roha umbege barita ni si Aldi Novel Adilang, sahalak doli-doli sian Manado na viral bulan Juli na lewat. Ia si Aldi I ma penangkar hian na maringanan di kapal penangkaran na sian hau dohot triplek. Ala gogo do alogo di tanggal 14 Juli 2018 putus ma tali ni jangkar ni Kapal nai, gabe tarapung-apung ma ibana di Samudra Pasifik. Dung pe 49 ari  asa ro kapal kargo na marbendera Panama mangurupi laos mamboan ibana. Dungi sahat ma kapal Kargoi di pelabuhan Tokuyama Jepang di 6 September 2018.  Ndang tardok dokdok ni parsorionna di bagasan 49 ari i. Menurut ni kesaksian na di acara Hitam Putih di Trans7 tanggal 27 September 2018. Selama di tonga laut I bana, aha na dapot sian laut I, inama di pangan jala aek ni laut I nama di inum ibana. Nangali na mohop do ganup ari di taon ibana di tonga ni laut I, songon suara ni galombang I nama partangisonna manaon na hansit i.Bahkan ro do tu pingkiran na asa bunuh diri ibana, alai mauliate ma di Debata ndang saut tahina i. boasa boi ibana manaon galumbang i? didok ibana manjaha Bibel do ibana huhut martangiang. Aha ma tangiang na? tangiang Ale Amanami ma dipandok tamba ni tangiang asa jumpangsa darat. Dipartingkian non pe dipaingot do tu hita marite suratni si Lukas na diajarhon Jesus do tu si seanna taringot tu namartangiang, songon dia penjelasanna? Tapaihut-ihut ma di hatorangan ni turpuk.

Hatorangan

Martangiang boi dohonon sada langka na tarida sederhana, alai berdampak besar. Sangat di sayangkon do godaong do hita halak Kristen na managabaihon tarsingot tu namartangiang. Sialani I godang do halak Kristen na pesimis taringot tu namartangiang, jala godang malas jala maila martangiang. Marhite surat ni si Lukas on  di patorang do tu hita, ia Jesus mangajari siseanna martangiang. Boi ta ida, na sisean nai do namangidohon asa di ajari nasida, jala ndang di tulak Tuhan I pangidoan ni siseanna I, di ajari do nasida ima tangiang Ale Amanami. Dia do na mansai arga si putihanta sian tangiang Ale Amanami on tu parngoluonni partondionta, tontu godang do na boi ondolohonan ta, alai sada na mansai Arga di ajarhon Jesus do tu hita manjou Ama tu Debata. Hubungan ni halak naporsea tu Debata, ndang hubungan na dao hape, alai tarsongon hubungan ni sahalak ama do tu ianakhona, hubungan namansai solhot situtu do hape hubungan ta tu Debata. Huria na nihaholongan dibagasn Jesus Kristus, Songon dia do pengalaman ta manang panghilalaonta taringot tu tangiang Ale Amanai on? Adong do panghilalaan na mansai solhot tu Debata ganup tadok tangiang Ale Amanami? Manang ala somal tadok gabe soadong be panghoruonna?. Ganup ta jouhon “Ale Amanami” ingkon ta sadari jala taahuon na Debata do Amanta jala anak ni Debata do hita. Ndang mardia imbar statusta, pogos manang mora, marpangkat manang ndang. Sude do hita anak ni Debata.

Molo ta rimang-rimangi do isi ni Lukas 11:1-13 on mansai jelas do di patorang Jesus songondia hita martangian. Na parjolo di ayat 2, naeng ma nian tangiang I marisi sada pamujion tu Debata. Na paduahon di Ayat 3 mangido hangoluan siap ari (makanan yang secukupnya) di ajari Tuhan I do asa na tapangido marhite tangiang ingkon sesuai dohot kebutuhan ta, ndang mangido laho tu hapuason ni pardagingonta (keinginan daging). Na patoluhon ayat 4 mangido panesaon ni dosa jala patuduhon sada pertobatan, na olo do tong manesa dosa ni halak namardosa tu hita. Jala mangido asa tontong di dongani Tuhan I hita ni namandalani dalan di parngoluonta.

Mansai burju situtu do Tuhan I, Pangido hamu ma, sai na lehonon do tu hamu: lului hamu ma, sai na jumpangan do hamu; tuktuhi hamu ma, sai ungkapon do di hamu”­. Songon sada ale-ale  namambuka pintu na laho mangurupi dongan na (ayat 5-8), jala songon sada Ama na patupahon na denggan di ianakhon na (11-13), songoni do Tuhan I molo ro hita sian ias ni rohanta mangidohon sipangidoan ta di bagasan tangiangta.

Sipahusor-husoron

Suman do tugoar niminggu ta sadarion, ROGATE lapatanan na martangiang, marhite jamita nasahat tu hita sian buku ni evangelum ni si Lukas on, di ajari do hita martangiang, songon Tuhan Jesus na manjou Ama tu Debata. Asa tong ma hita lam tapasolhot manjouhon Ama pardenggan basai dibagasan tangiangta, dinalao mangido pangurupion Na hombar na hinaringkota di parngoluonta. Ndada holan si Aldi di urupi Debata laho mangalewati galumbang laut I, hit ape tongdo di urupi molo ro hita marsomba marhite tangiangta mangidohon pangurupion ni Jahowa.